Wi snackt platt
Willkommen sind in diesem Kreis alle, die sich gerne wieder einmal auf Plattdeutsch unterhalten möchten:
Endlich wedder good tofoot und nu ober hin no mien scheun’n Club „Wi snackt platt“. Hebb ick bannig vomißt. Also, in Finkwarder rupp up’n Damper un denn tweemol umstieg`n. Ick wür so froh nu wedder dorbi ween to könn`n. Grote Freit, Klaus Günther, de all eenige Beuker up Plattdütsch schreb`n hett un ook Wettbewerbe mitmookt, New Generation-Mitglieder is he ook as Vorleser bekannt, wür mol wedder bi uns. No Kaffee un Kok`n un veel Geschnatter, hett Klaus uns sein neeste Geschicht vörlest, de he vör een Wettbewerb schreb`n har. He votill uns tuierst, datt hierför een „Thema“ vörgeb`n word`n is un datt hett „EXTREME“ heet`n. No hebbìck dacht, door kann man je veel öber schrieb`n. Nu güng datt ober loos, Klaus hett de Geschicht von sein Fründ Paul beschreb`n, de sick endlich mool ne annere Ünnerbüx keup`n wull. Ick wür beuß skeptisch, öber Manns-Ünnerbüxen „Extrem-Geschicht`n“? Datt kunn doch nix warn. Ober datt is watt word`n ! Un watt förn kommodige, dulle Geschicht. Watt hebbt wü lacht ! För sein Wettbewerb wünscht wü em veel Glück. Fazit för düss`n Nomiddag: „Veel lach’n un nu schien ook noch de Sünn, Plattdüsch mookt Spooß, kiek doch mool bi uns rin“.
Lindi Wulf
Vielleicht haben Sie auch Lust, mit uns platt zu sprechen. Schauen Sie doch mal vorbei.
